புத்தல – மொனராகலை பிரதான வீதியில் 11 ஆவது மைல்கல் பகுதியில் இன்று திங்கட்கிழமை (10) பிற்பகல் இடம்பெற்ற விபத்தில் நால்வர் காயமடைந்துள்ளதாக புத்தல பொலிஸார் தெரிவித்தனர்.
இலங்கை போக்குவரத்துச் சபைக்கு சொந்தமான பஸ் ஒன்று உழவு இயந்திரத்தை ஏற்றிச் சென்ற லொறியுடன் நேருக்கு நேர் மோதியதில் இந்த விபத்து இடம்பெற்றுள்ளதாக பொலிஸார் தெரிவித்தனர்.
விபத்தின் போது லொறியின் சாரதியும் உதவியாளரும் பஸ்ஸில் பயணித்த இருவரும் காயமடைந்துள்ளனர்.
காயமடைந்தவர்கள் புத்தல பிரதேச வைத்தியசாலையில் அனுமதிக்கப்பட்ட பின்னர் லொறியின் சாரதியும் உதவியாளரும் மேலதிக சிகிச்சைக்காக மொனராகலை மாவட்ட வைத்தியசாலைக்கு மாற்றப்பட்டுள்ளதாக பொலிஸார் தெரிவித்தனர்.
இந்த விபத்து தொடர்பில் புத்தல பொலிஸார் விசாரணைகளை மேற்கொண்டு வருகின்றனர்.
