தொலைதூரம் பயணிக்கும் பஸ்கள் அனைத்தும் இயக்கத் தொடங்குவதற்கு முன்பு அடிப்படை தர பரிசோதனைக்கு உட்படுத்தப்படுவதை கட்டாயமாக்க அரசாங்கம் திட்டமிட்டுள்ளது.
அதன்படி, அடுத்த மாத ஆரம்பத்திலிருந்து இதைத் தொடங்க நடவடிக்கை எடுக்கப்பட்டுள்ளதாகத் தெரிவிக்கப்படுகிறது.
முதற்கட்டமாக, கொழும்பில் உள்ள பெஸ்டியன் மாவத்தை மற்றும் மகும்புர மல்டிமாடல் போக்குவரத்து தளத்தை மையமாகக் கொண்டு, தேசிய போக்குவரத்து ஆணைக்குழுவின் மேற்பார்வையின் கீழ் இதனை செயல்படுத்த திட்டமிடப்பட்டுள்ளது.
மேலதிகமாக, நீண்ட தூர சுற்றுலா பஸ்களும் இந்த பரிசோதனைக்கு உட்படுத்தப்பட வேண்டும்,
மேலும் இந்த தர பரிசோதனை இல்லாமல் எந்த நீண்ட தூர சுற்றுலா பஸ்களும் அங்கீகரிக்கப்படாது என தெரிவிக்கப்பட்டுள்ளது.
100 கிலோமீற்றருக்கு மேல் பயணிக்கும் பஸ்கள் அவற்றின் இயக்கம் தொடங்குவதற்கு 48 மணி நேரத்திற்கு முன்பு தகுதிச் சான்றிதழ் பெற வேண்டும்.
மோட்டார் போக்குவரத்துத் திணைக்களம் தற்போது ஒரு சுற்றறிக்கை மூலம் இதற்குத் தேவையான வழிமுறைகளை வெளியிட நடவடிக்கை எடுத்து வருகிறது.
இந்த செயல்முறை நாடு முழுவதும் நீடிக்கப்படும் போது, மோட்டார் போக்குவரத்துத் திணைக்களம் வாகன பழுதுபார்க்கும் இடங்களை ஆய்வு செய்து, அதனுடன் தொடர்புடைய ஆய்வுகளை நடத்தி, தகுதிச் சான்றிதழை வழங்கும்.
அதன்படி, இந்த செயல்முறையை நாடு முழுவதும் செயல்படுத்த நடவடிக்கை எடுக்கப்பட்டுள்ளதாக தெரிவிக்கப்படுகிறது.
