சிறிலங்கா சிங்களப் புலனாய்வுக்கட்டமைப்புகளின் பிரித்தாளும் நாசகாரச் சதியிலிருந்து தற்காத்துக்கொள்வோம் தமிழீழ விடுதலைப்புலிகள் இயக்கத்தின் முன்னாள் போராளிகளை ஒருமித்த சக்தியாகத் தமிழீழச் சித்தாந்த இலக்கு நோக்கிய பயணத்தில் மீளெழுச்சிபெற்று, ஒருங்கிணைய விடாமல் தடுப்பது தான் மகாவம்ச மனோநிலையிலுள்ள சிங்களப்பேரினவாதப் புலனாய்வுக்கட்டமைப்புகளின் தற்போதய பிரதான பணியாகும். போராளிகளையும் தேசிய செயற்பாட்டாளர்களையும் மனோநிலை ரீதியாகப் பிரித்து, தங்களது கட்டுப்பாட்டில் வைத்திருக்கும் உத்திகளைக் கொண்ட (divide and control tactics) இந்தத் திட்டம் பலவிதமான உளவியல், சமூக மற்றும் அரசியல் அடிப்படைகளைக் கொண்டவை. அவற்றின் முக்கியமான உத்திகளை, வரலாற்று ரீதியான உதாரணங்களுடன் கீழ்த்தருகிறோம்.
1. சமூக அடிப்படையிலான பிளவுகள்: சாதி, மதம், பிராந்தியம், பழைய போராளிகள், புதிய போராளிகள், பிரிவு, துறைசார்ந்த போராளிகள் என நீண்டுசெல்லும்.
ஒரே இயக்கத்தில் ஒரே தேசியத்தலைவர்,கொள்கை, கோட்பாட்டுடன் தாய்நாட்டிற்காக எந்நேரமும் உயிரை அர்ப்பணிக்கத் தயாராகவிருந்தப் போராளிகளை, சாதி, மதம் அல்லது பிராந்திய அடையாளங்கள், துறை, பிரிவு, படையணி அடிப்படையில் பிரித்து ஒருவர் மீது ஒருவர் நம்பிக்கை இழக்கச் செய்தல்.
சில தமிழர்கள் இடையே வடக்குத்தமிழர் – கிழக்கு தமிழர் என பிளவு ஏற்படுத்தப்பட்டு, ஒருவரை மிதமானவராகவும், மற்றவரை தீவிரவாதியாகவும் சித்தரித்தனர்.
இந்தியாவில், பல நக்சலைட்/மாவோயிஸ்ட் குழுக்களில் பாதுகாப்புக்காக சாதிவழி வலிமை வேண்டுமெனச் சொல்லி பிளவுகள் ஊக்குவிக்கப்பட்டன.
அதே பாணியில், 2009இற்குப் பின்னர் தமிழீழத் தமிழர் மத்தியில் பல புலனாய்வு நாடகங்கள் அரங்கேற்றப்படுகிறது.
2. அரசியல் சமூக வட்டாரங்களை உருவாக்குதல்.
உத்தி:
ஒரு பகுதிக்குள் “நீங்கள் இனிமேல் அரசியல் வழியே வந்தால், பாதுகாப்பும் பங்கும் தருகிறோம்” என அதிகாரவர்க்கத்தால் சலுகைகள் வழங்கப்பட்டது.
இந்தக் குழுவினர், இயக்கத்தின் மீதான மதிப்பீட்டில் “மிதமானவர்கள்” என உயர்த்தப்பட்டனர், மற்றவர்கள் “தீவிரவாதிகள்” என ஒதுக்கப்பட்டனர்.
எடுத்துக்காட்டு:
பாலஸ்தீனத்தில், PLO-வுக்குள் இருந்து சிலர் இஸ்ரேலுடன் சமரசம் செய்யும் போது, மற்ற குழுக்களைப் புறக்கணித்து தனித்த அரசியல் ஓட்டங்கள் உருவானது.
சிறிலங்காவும் முன்னாள் போராளிகளை அரசியல் கட்சிகளில் இணைத்து, விடுதலைப்புலிகள் இயக்கத்தின் மீது தவறான விமர்சனம் செய்யுமாறு தூண்டப்பட்டார்கள்.
3. புலனாய்வுத் தூண்டுதல் மற்றும் இரட்டை முகவர்கள் (Double Agents)
உத்தி:
போராளிகளிற்குள் மனோபலம் குன்றிய சிலரை இனங்கண்டு , அச்சுறுத்தல், தனிப்பட்ட பலவீனங்கள்,பணம் அல்லது பாதுகாப்பு மூலம் திசை/மனமாற்றம் செய்து, இயக்கத்தின் உள்ளே இரட்டை முகவர்களாக உளவு பார்க்கச் செய்தனர்.
இந்த இரட்டை முகவர்கள் தகவல்களை சேகரித்து, வெளியிட்டோ, போராளிகள், செயற்பாட்டாளர்களிற்குள்ச சிதைவுகளை, பிளவுகளை ஏற்படுத்துவதற்கோ பயன்படுத்தப்பட்டனர்.
எடுத்துக்காட்டு:
2009 ற்கு பின்னர் முன்னாள் உறுப்பினர்கள் சிலர் சிறிலங்கா புலனாய்வுப் பிரிவின் மூடப்பட்ட முகாம்களிற்கு மாற்றப்பட்டு, சமூகத்தில் இடைக்காலக் கண்காணிப்பாளர்களாகப் பயிற்சியளிக்கப்பட்டு திருப்பி அனுப்பப்பட்டனர்.
4. சிறிலங்காவின் ஊடகம் மற்றும் தகவல் தொடர்புப் போக்கில் மேலாதிக்கம்
உத்தி:
அரசு ஊடகங்கள், முன்னாள் போராளிகளைப் பற்றி பொதுமக்களிடையே சந்தேகமூட்டும் கதைகளை வெளியிட்டு நம்பிக்கையிழக்கச் செய்தது. உயிரை அர்ப்பணித்துப் போராடி விழுப்புண்ணடைந்த போராளிகள் மனவுளைச்சலுக்கு ஆளானார்கள்.
“இவர்கள் உண்மையான போராளிகள் அல்ல – வன்முறைக்கு ஆசைப்படுகிறார்கள்” என உளவுத் தகவல் பரப்புரைகள் மேற்கொள்ளப்பட்டது எடுத்துக்காட்டு:
ஒட்டுமொத்த மாவோயிஸ்ட் இயக்கங்களைச் சுற்றி, இந்திய ஊடகங்கள் “படுகொலைக் குழுக்கள்” எனவும், அவர்களின் போராட்டம் நேர்மையற்றது எனவும் தொடர்ந்து சித்தரித்தன.
தமிழீழ விடுதலைப் புலிகள் மீதான புகார் படம் ‘முன்னாள் உறுப்பினர்கள் மீண்டும் குழுவாகிறார்கள்’ மீளுருவாக்கம் செய்கிறார்கள், ஆயுதப்போராட்டம் தொடங்கப்போகிறார்கள் என பொய்க் கட்டுக்கதைகள் அவிழ்த்துவிடப்பட்டன.
5. நம்பிக்கையிழப்பு மற்றும் சந்தேகம் ஊட்டும் உளவியல் உத்திகள்
உத்தி:
“உங்கள் குழுவில் யார் உண்மையானவர், யார் இரட்டை முகவர்?” என மன உளைச்சலையும் பரஸ்பர சந்தேகத்தையும் விதைத்தது.
சிறைகள், தண்டனை முகாம்கள், கூடாரங்களில் கூட இது யாரை நம்பலாம்? என்ற நிலையை உருவாக்கியது.
முறைகள்:
ஒரு முன்னாள் போராளியை, மற்றவரைப் பற்றி சாட்சியமளிக்க வைக்கிறார்கள்.
ஒன்று கூடும் முயற்சிகளை வெளியிலிருந்து விளம்பரப்படுத்தி, அரசியல் ரீதியாக பழிவாங்கத்தக்க காரியமாக மாற்றுகிறார்கள்.
6. வழக்குத் தொடருதல் மற்றும் மீள்எதிர்ப்பு ஏற்படுத்தல் (Controlled Reintegration)
உத்தி:
போராளிகளை முகாம்களில் “மறுசீரமைப்புச் செயற்பாடுகள்” என்ற பெயரில் ஒன்றோடொன்று பேசவிடாமல் தனிமைப்படுத்தல்.
சமூகத்தில் அவர்கள் “முன்னாள் தீவிரவாதி” என்ற பாதிப்புடன் மட்டுமே அறிமுகப்படுத்தப்படுதல்.
முடிவுகள்:
தமிழினவிடுதலை சார்ந்த கட்டமைப்புகள் உருவாக்கப்படும் போது, சிறிலங்கா, பிராந்திய புலனாய்வுக்கட்டமைப்புகள் அல்லது அதனுடன் தொடர்புள்ள உளவுத்துறைகளின், அமைப்பில் இருந்து ஒருவரை உள்நுழைத்து உள்ளிருந்து அமைப்பை சிதைத்தழிக்க முயற்சிக்கும்.
முடிவுரை:
போராளிகளையும் தேசியச் செயற்பாட்டாளர்களையும் ஒன்றுபடவிடாமல் செய்யும் நாசகார உத்திகள், ஒரு பக்கமாகவும், நேரடி வன்முறைகளால், மறு பக்கமாக சந்தேகம், ஆள்மாற்றம், மற்றும் உளவியல் உந்துதல்களின் மூலம் செயல்படுகின்றன. இது ஒரு இயந்திரம் போல செயல்படுகிறது – வெளியில் அமைதி, உள்ளே பிளவு.
இந்த பிளவுகளை புரிந்து கொள்வதும், வரலாற்றை பதிவு செய்வதும், எதிர்கால விடுதலை இயக்கங்கள் ஒருமித்த சூழ்நிலையை உருவாக்க எச்சரிக்கையாக இருக்க வேண்டிய காரணங்களில் முக்கியமான ஒன்று. எனவே, இந்தக் காலகட்டத்தில் போராளிகள், செயற்பாட்டாளர்கள் தமிழீழத் தேசியத்தலைவர் மேதகு வே. பிரபாகரன் அவர்களின் சிந்தனை என்னும் வழி வரைபடத்தின் துணையோடு எதிரிகள் புலனாய்வுச் சதிவலைப்பின்னலில் அகப்படாமல் எங்களையும், தமிழீழ விடுதலைப் போராட்டத்தையும் தற்காத்துக்கொள்ள வேண்டியது அவசியமானதாகும். விழிப்பே விடுதலையின் முதற்படி.
அனைத்துலகச் சிந்தனைப்பள்
