வத்தளை – கெரவலபிட்டிய பிரதேசத்தில் கஞ்சா போதைப்பொருளுடன் சந்தேக நபர் ஒருவர் வத்தளை பொலிஸாரால் நேற்று திங்கட்கிழமை (30) இரவு கைது செய்யப்பட்டுள்ளார்.
வத்தளை பொலிஸாருக்கு கிடைக்கப்பெற்ற இரகசிய தகவலுக்கு அமைய மேற்கொள்ளப்பட்ட சுற்றிவளைப்பின் போதே சந்தேக நபர் கைது செய்யப்பட்டுள்ளார்.
கைதுசெய்யப்பட்டவர் கொழும்பு 15 பகுதியை சேர்ந்த 36 வயதுடையவர் ஆவார்.
சந்தேக நபரிடமிருந்து 16 கிலோ 850 கிராம் கஞ்சா போதைப்பொருள் பொலிஸாரால் கைப்பற்றப்பட்டுள்ளது.
இது தொடர்பான மேலதிக விசாரணைகளை வத்தளை பொலிஸார் மேற்கொண்டு வருகின்றனர்.
