சுகாதாரம் மற்றும் வெகுஜன ஊடகத்துறையின் தற்காலிக அமைச்சருக்கும் சீன சர்வதேச தொடர்பு குழுவின் பிரதிநிதிகளுக்கும் இடையிலான சந்திப்பு இடம்பெற்றது.
நாட்டின் சுகாதாரம் மற்றும் ஊடகத் துறைகளில் எதிர்கால சவால்களை சமாளிக்க சீன சர்வதேச தொடர்பு குழுவின் அனுபவத்தைப் பயன்படுத்துவதற்கான சாத்தியக்கூறுகள் ஆராயப்பட வேண்டும் என்று சுகாதாரம் மற்றும் வெகுஜன ஊடகத்துறையின் பதில் அமைச்சர் தெரிவித்தார்.
சீன சர்வதேச தகவல் தொடர்பு குழுவின் (CICG) தலைவர் ஷான்யுவான் (Qi Zhenhong) உள்ளிட்ட தூதுக்குழு சமீபத்தில் சுகாதார அமைச்சில் நடைபெற்ற சந்திப்பின்போது சுகாதார மற்றும் வெகுஜன ஊடகத்துறையின் பதில் அமைச்சர் ஹன்சகா விஜேமுனி இந்தக் கருத்துக்களை தெரிவித்தார்.
நாட்டின் சுகாதாரம் மற்றும் ஊடகத் துறைகளின் முன்னேற்றத்திற்காக, சீனா சர்வதேச தகவல் தொடர்பு குழு மற்றும் அது தொடர்புடைய துறைகளின் அனுபவங்கள் குறித்த பரஸ்பர ஒத்துழைப்பை வலுப்படுத்துவதும், அறிவைப் பரிமாறிக்கொள்வதும் இந்த சந்திப்பின் முக்கிய நோக்கமாகும் என மேலும் தெரிவித்தார்.
நாட்டில் சிறந்த சுகாதார சேவையைப் பராமரிக்கத் தேவையான மனிதவள மேம்பாடு மற்றும் நிபுணத்துவம், திட்டத்தை செயல்படுத்துதல், நிதி உதவி பெறுதல், உயர்தர மருந்துகள் மற்றும் நவீன மருத்துவ உபகரணங்களைப் பயன்படுத்துதல், மருத்துவமனைகளில் பௌதீக வளங்களை மேம்படுத்துதல், அத்துடன் சுகாதார சேவைகளை மேம்படுத்துவதற்கான தகவல் தொடர்புத் துறையில் நடைமுறைகள் போன்ற விஷயங்களுக்கு விசேட கவனம் செலுத்தி விரிவான கலந்துரையாடல்கள் நடத்தப்பட்டன.
வறுமை ஒழிப்பில் சீனாவின் சாதனைகளையும், நிதி மற்றும் பல்வேறு திட்ட முயற்சிகள் மூலம் வளரும் நாடுகளை ஆதரிப்பதில் அதன் அர்ப்பணிப்பையும் எடுத்துரைத்த சீன சர்வதேச தொடர்பு குழுவின் தலைவர் ஷன்யுவான், (Qi Zhenhong) சீனாவின் வளர்ச்சியை உலகிற்கு அறிமுகப்படுத்துவதற்கும் சர்வதேச பரிமாற்றங்களை ஊக்குவிப்பதற்கும் உள்ள திட்டம் குறித்து பதில் அமைச்சர் ஹன்சகா விஜேமுனியிடம் விளக்கினார்.
வறுமைக் குறைப்பு மற்றும் மேம்பாட்டு ஒத்துழைப்பு குறித்த சீன-தெற்காசிய மன்றம் 2025 குறித்தும் அமைச்சருக்கு விளக்கப்பட்டது. இலங்கைக்கான சீனத் தூதர் கி ஜென்ஹோங் மற்றும் சுகாதார மற்றும் வெகுஜன ஊடக அமைச்சர் நளிந்த ஜெயதிஸ்ஸ ஆகியோருடன் நாட்டின் சுகாதார மற்றும் ஊடகத் துறைகளில் எதிர்கால நடவடிக்கைகள் குறித்து முன்னர் கலந்துரையாடியதாகக் கூறிய ஹன்சக விஜேமுனி, தெற்காசியாவின் வளர்ச்சிக்கான பிராந்திய ஒத்துழைப்பை மேம்படுத்தும் நோக்கில் மேற்கொள்ளப்படும் திட்டத்தைப் பாராட்டுவதாகவும் குறிப்பிட்டார்.
நாட்டின் சுகாதார அமைப்பின் எதிர்கால சவால்களை சமாளிப்பதில் சீன சர்வதேச தகவல் தொடர்பு குழுவின் நிபுணத்துவம் பெரிதும் உதவியாக இருக்கும் என்றும் குறிப்பிடப்பட்டது. சீன சர்வதேச தொடர்பு குழுமம் (CICG) அக்டோபர் 1949 இல் நிறுவப்பட்டது.
CICG 21 இணைக்கப்பட்ட நிறுவனங்களைக் கொண்டுள்ளது, இரண்டு தேசிய சங்கங்களால் நிர்வகிக்கப்படுகிறது, மேலும் 14 நாடுகள் மற்றும் பிராந்தியங்களில் 26 வெளிநாட்டு கிளைகளைக் கொண்டுள்ளது. ஆண்டுதோறும், இது 40க்கும் மேற்பட்ட மொழிகளில் சுமார் 3,000 புத்தகங்கள் மற்றும் பருவ இதழ்களை வெளியிடுகிறது, மேலும் அதன் வெளியீடுகள் 180க்கும் மேற்பட்ட நாடுகள் மற்றும் பிராந்தியங்களில் விநியோகிக்கப்படுகின்றன. இதன் ஆன்லைன் பார்வையாளர்கள் உலகம் முழுவதும் காணப்படுகிறார்கள்.
