தெதுரு ஓயாவில் வியாழக்கிழமை (1) பிற்பகல் நீராடச் சென்ற ஐந்து பேரும் நீரில் இழுத்துச் சென்றிருந்த நிலையில், அவர்களில் இருவர் காணாமல் போயுள்ளனர்.
குறித்த சம்பவமானது பிற்பகல் 3.30 மணியளவில் இடம்பெற்றதோடு, அவர்களில் மூன்று பேர் மீட்கப்பட்டுள்ளனர்.
காணாமல் போன இருவர் கண்டி பகுதியில் உள்ள ஒரு பல்பொருள் அங்காடியில் பணிபுரியும் 20 மற்றும் 22 வயதுடைய இரண்டு இளைஞர்கள் ஆவர்.
மூன்று இளம் பெண்கள் மீட்கப்பட்டனர், மேலும் அவர்களும் இந்த நிறுவனத்தில் பணிபுரிவதாகக் கூறப்படுகிறது.
காணாமல் போனவர்களைத் தேடுவதற்காக உள்ளூர்வாசிகள் படகுகளைப் பயன்படுத்தி ஒரு நடவடிக்கையைத் தொடங்கிய போதிலும், பிற்பகல் வரை அவர்கள் கண்டுபிடிக்கப்படவில்லை என்பது குறிப்பிடத்தக்கது.
