கண்டிக்கும் பதுளைக்கும் இடையிலான மலையக ரயில் பாதையில் இன்று (16) இரண்டு ரயில் சேவைகள் ரத்து செய்யப்பட்டுள்ளதாக நாவலப்பிட்டி ரயில் கட்டுப்பாட்டு அறை தெரிவித்துள்ளது.
மேலும், காலை 11.45 மணிக்கு பதுளையில் இருந்து கண்டிக்கு புறப்படவிருந்த ரயில் எண் 1596 மற்றும் அதிகாலை 4.10 மணிக்கு கண்டியில் இருந்து பதுளைக்கு புறப்படவிருந்த ரயில் எண் 1126 ஆகியவை இரத்து செய்யப்பட்டுள்ளதாக ரயில்வே திணைக்களம் தெரிவித்துள்ளது.
கண்டியிலிருந்து பதுளை நோக்கிச் சென்ற ரயில் எண் 1126, நேற்று (15) நானுஓயா ரயில் நிலையத்திற்கு அருகில் தடம் புரண்டதால், மலையக ரயில் பாதையில் ரயில் சேவைகள் பாதிக்கப்பட்டு பல மணி நேரம் தாமதமானது.
ரயில் தாமதம் காரணமாக, கண்டியிலிருந்து பதுளைக்கு இயக்க திட்டமிடப்பட்டிருந்த ரயில் எண் 1126, சரியான நேரத்தில் இயக்க இன்ஜின் இல்லாததால் இரத்து செய்யப்பட்டதாக ரயில்வே திணைக்கள செய்தித் தொடர்பாளர் தெரிவித்துள்ளார்.
