பொகவந்தலாவை பொலிஸ் பிரிவிற்குட்பட்ட கெசல்கமு ஓயா பகுதியில், மேற்கொள்ளப்பட்ட சுற்றிவளைப்பில் அனுமதிப்பத்திரம் இன்றி சட்டவிரோதமாக இரத்தினக்கல் அகழ்வில் ஈடுபட்ட மூன்று சந்தேகநபர்கள் கைது செய்யப்பட்டுள்ளனர்.
குறித்த கைது நடவடிக்கை நேற்று சனிக்கிழமை (15) இடம்பெற்றுள்ளதாக பொலிஸார் தெரிவித்துள்ளனர்.
கைது செய்யப்பட்ட சந்தேகநபர்கள் 22, 27 மற்றும் 47 வயதுடைய பலாங்கொடை மற்றும் பொகவந்தலாவை பகுதியைச் சேர்ந்தவர்களாவார்.
இந்த கைது நடவடிக்கையின் போது, இரத்தினக்கல் அகழ்வதற்குப் பயன்படுத்தப்பட்ட உபகரணங்களும் பொலிஸாரினால் கைப்பற்றப்பட்டுள்ளன.
மேலும்,இந்த சம்பவம் தொடர்பில் பொகவந்தலாவை பொலிஸார் மேலதிக விசாரணைகளை மேற்கொண்டுவருகின்றனர்.
