கொழும்பு கோட்டை-பதுளை மற்றும் தலைமன்னார் ரயில்களில் மூன்றாம் வகுப்பு பெட்டி இருக்கைகளுக்கான முன்பதிவு வசதியை திங்கள்கிழமை (10) முதல் ரத்து செய்ய ரயில்வே திணைக்களம் முடிவு செய்துள்ளது.
இருப்பினும், இந்தப் பெட்டிகள் சாதாரண மூன்றாம் வகுப்புப் பெட்டிகளைப் போலவே தொடர்ந்து இயங்கும். இந்தப் பெட்டிகளுக்கு வழக்கமான டிக்கெட்டுகளை வழங்க திணைக்களம் தீர்மானித்துள்ளது.
இதற்கிடையில், மலையக ரயில் பாதையில் ரயில் பற்றுச்சீட்டு கட்டணங்களை திருத்தும் முடிவு ரயில்வே பொது முகாமையாளரின் அறிவுறுத்தல்களைத் தொடர்ந்து இடைநிறுத்தப்பட்டுள்ளது.
திருத்தப்பட்ட ரயில் கட்டணங்கள் எதிர்காலத்தில் அறிவிக்கப்படும், அதுவரை, தற்போதுள்ள கட்டணங்கள் மட்டுமே அமலில் இருக்கும்.
