குருணாகல், வாரியபொல பொலிஸ் பிரிவுக்கு உட்பட்ட மினுவன்கெட்டே பகுதியில் கஞ்சா செடிகளுடன் சந்தேக நபர் ஒருவர் நேற்று செவ்வாய்க்கிழமை (28) மாலை கைது செய்யப்பட்டுள்ளதாக எத்திமலை பொலிஸார் தெரிவித்தனர்.
வாரியபொல பொலிஸாருக்கு கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர் கைது செய்யப்பட்டுள்ளார்.
கைது செய்யப்பட்ட சந்தேக நபர் புத்தளம் பிரதேசத்தில் வசிக்கும் 45 வயதுடையவர் ஆவார்.
சந்தேக நபரிடமிருந்து 610 கஞ்சா செடிகள் பொலிஸாரால் கைப்பற்றப்பட்டுள்ளன.
இது தொடர்பான மேலதிக விசாரணைகளை வாரியபொல பொலிஸார் மேற்கொண்டு வருகின்றனர்.
