இலங்கையின் சுற்றுலாத் துறை தூதுவராக இலங்கை கிரிக்கெட் அணியின் ஜாம்பவான் சனத் ஜெயசூரியவை நியமிக்க சுற்றுலா அமைச்சர் ஹரின் பெர்னாண்டோ தீர்மானித்துள்ளார்.
புதிய சுற்றுலா ஆலோசனைக் குழுவுடன் இணைந்து நியமனத்தை அறிவிக்கும் சிறப்பு நிகழ்வு நாளை வியாழக்கிழமை நடைபெற உள்ளது.
சனத் ஜெயசூர்ய உலகம் முழுவதும் மிகவும் பிரபலமாக உள்ளார், மேலும் அவர் இந்தியா, பாகிஸ்தான், பங்களாதேஷ் மற்றும் மாலைதீவுகளை குறிவைத்து இலங்கை சுற்றுலா ஊக்குவிப்பு நிகழ்வுகளில் தானாக முன்வந்து பங்கேற்க ஒப்புக்கொண்டதாக தெரிவிக்கப்பட்டுள்ளது.
