இளைஞர்களின் போராட்டம்; முடிவு எவ்வாறாக இருக்கும் ?

கோத்தாவை வீட்டுக்கு அனுப்புவதில் வெற்றி பெற்றாலும், மாற்றத்தை அடைய வேண்டும் என்ற அவர்களின் ஒட்டுமொத்த இலக்கை அடைவது சாத்தியமா என்ற கேள்விதொடர்பாக இளைய தலைமுறையினர் தீவிரமாக சிந்திக்க வேண்டும்.

“அனுபவமின்மை, அறியாமை, ஜனாதிபதியின் இ ராணுவ மனப்பான்மை போன்ற காரணங்களால், அவர் ஒரு நாட்டை ஆளத் தகுதியற்ற ஆட்சியாளராகிவிட்டார். அவரது தோல்வியால் நாட்டிற்கு ஏற்பட்ட அழிவுகள் மிகப் பாரி யது. இத்தகைய தோல்வியடைந்தவர் , நாட்டின் அரசியல் முறைமையின்  குழப்பமான மற்றும் ஊழல் தன்மை காரணமாக, அரசின் அனைத்து அதிகாரங்களையும் கொண்ட நாட்டின் மிக உயர்ந்த பதவிக்கு உயர முடிந்தது. குற்றம் சாட்டப்பட்ட ஒருவர், அவர் மீது சுமத்தப்பட்ட குற்றச்சாட்டுகளில் இருந்து விடுவிக்கப்படும் வரை, நாட்டின் மிக உயர்ந்த பதவியான ஜனாதிபதி பதவிக்கு போட்டியிட அனுமதிக்கப்பட்டிருக்கக்   கூடாது.

 வெளிநாட்டுக் கடனைத் திருப்பிச் செலுத்த முடியாமல் வங்குரோத்தான நாடாக இலங்கை மாறிவிட்டது என்று மத்திய வங்கியே அறிவித்ததன் எதிரொலியுடன் இந்த ஆண்டு சிங்கள தமிழ்  புத்தாண்டு உதயமானது. நிலுவையாக  வு ள்ள வெளிநாட்டுக் கடனின் அளவு சராசரியாக  50 பில்லியன் டொலர்களா கும். அராஜகத்தை நோக்கிய நாட்டின் பயணம் உண்மையிலேயே அங்கிருந்துதான் தொடங்கும். இனிமேல், இலங்கை வங்குரோத்து  நிலையில் இருந்து மீண்டெழும்வரை  பிணை முறிப் பத்திரங்கள் அல்லது வர்த்தக கடன்கள் மூலம் வெளிநாட்டுக் கடன்களைப் பாதுகாக்கும் திறனை இழந்த நாடாக மாறும். அதே சமயம், இறக்குமதி – ஏற்றுமதி வர்த்தகம் சரிவடையும் . வங்கி முறைமை குழப்பமாகவும் சீர்குலைந்ததாகவும் இருக்கும். தொழில்கள் மற்றும்வர்த்தகங்கள்  மூடப்படும் அச்சுறுத்தலை எதிர்கொள்வதால் பா ரிய அளவிலான வேலையில்லாத் திண்டாட்டத்தை உருவாக்கும். மருந்துப் பற்றாக்குறை பிரச்சனையானது சில நாள்பட்ட நோய்களால் பாதிக்கப்பட்ட நோயாளிகளின் வாழ்க்கையை அழிக்கக்கூடிய ஒரு சோகமான சூழ்நிலைக்கு வழிவகுக்கும். பொருட்களின் பற்றாக்குறை உச்சகட்டத்தை அடையும், மேலும் இந்த செயற் பாட்டில் நாடு ஒரு பஞ்சத்திற்கு பலியாகலாம். சில சமயங்களில், மின்சாரம் மற்றும் போக்குவரத்துமுறைமை குறைந்த பட்சம் சிறிதுகாலமாவது  அரைகுறையாக நிற்கும் சூழ்நிலை உருவாகலாம். இந்நிலையை தோற்றுவிக்கும் அராஜகத்தின் நிலை இறுதியில் நாட்டில் குழப்பம் வெடிக்கும்நிலையை   ஏற்படுத்திவிடும். இப்போது செய்ய வேண்டியது என்னவென்றால், சாத்தியமானபாதிப்பை  குறைக்க முயற்சிப்பது மற்றும் இந்த சூழ்நிலையிலிருந்து மீள்வதற்கு வலுவான அடித்தளத்தை உருவாக்குவதாகும். அரசாங்கம் மற்றும் அதன் தலைவரின் அனுபவமின்மை, மடமைத்தனம்  மற்றும்இறுமாப்பு  இல்லாமல் இருந்திருந்தால், சென்மதி நிலுவை நிலுவை நெருக்கடியை எதிர்கொண்ட  உடனேயே சர்வதேச நாணய நிதியத்தின் தலையீட்டை நாடியிருந்தால், பொதுமக்கள்மீதான அழுத்தம் மிகவும் கடுமையானதாக ஏற்பட்டிருக்காது.

ஜனாதிபதியின் அனுபவமின்மை, அறியாமை மற்றும் இராணுவ மனப்பான்மை போன்ற காரணிகள் அவரை ஒரு நாட்டை ஆளத் தகுதியற்ற ஒரு தோல்வியுற்ற ஆட்சியாளராக மாற்றியது. அவரது தோல்வியால் நாட்டிற்கு ஏற்பட்ட அழிவுகள் மிகப் பா ரியது. இத்தகைய தோல்வியடைந்த வர் , நாட்டின் அரசியல் முறைமையின்  குழப்பமான மற்றும் ஊழல் தன்மை காரணமாக, அரசின் அனைத்து அதிகாரங்களையும் கொண்ட நாட்டின் மிக உயர்ந்த பதவிக்கு உயர முடிந்தது. குற்றம் சாட்டப்பட்ட ஒருவர், அவர் மீது சுமத்தப்பட்ட குற்றச்சாட்டுகளில் இருந்து  விடுவிக்கப்படும் வரை, நாட்டின் உயரிய பதவியான ஜனாதிபதி பதவிக்கு போட்டியிட அனுமதிக்கப்பட்டிருக்கக்  கூடாது.

அதற்கான விதிமுறைகள் இல்லாவிட்டாலும், அது தொடர்பான உண்மைகளை நீதிமன்றத்தில் முன்வைக்கும் பொறுப்பு சட்டமா அதிபருக்கு இருந்தது. 19வது திருத்தத்தின் செல்லுபடியாகும் போதிலும், நீதித்துறையில் உள்ள சில அதிகாரிகள் கோத்தபாயவுக்கு சட்டரீதியான வழக்குகளைத் தவிர்க்க அனுமதிக்கும் கொள்கையை பின்பற்றினர். கோத்தாபய வின்  இரட்டைக் குடியுரிமைப் பிரச்சினை எழுப்பப்பட்டபோது, ​​தொழில்நுட்பக் காரணங்களுக்காக அதை நிராகரிப்பதற்குப் பதிலாக, அரசியலமைப்பு தொடர்பான பாரதூரமான விடயமாக நீதித்துறை கருதியிருக்க வேண்டும். ஆனால் நீதித்துறை அதை செய்யவில்லை. அதனையடுத்து, வேட்புமனுத் தாக்கல் செய்வதற்கு முன்னர், கோத்தா பய  மட்டுமல்லாமல் , அவரது சகோதரர் சமல் ராஜபக்சவும்  பொதுஜன முன்னணியின் சார்பில் கட்டாயப் பாதுகாப்பு வைப்பு பதிவைச் செய்திருந்தார் என்பது குறிப்பிடத்தக்கது

வேட்புமனுவை கையளிக்கும் சந்தர்ப்பத்தில் சமல் பிரசன்னமாகியிருந்த போதிலும் அவர் வேட்புமனுக்களை கையளிக்கவில்லை.கோத்தா பயவின் வேட்புமனு நிராகரிக்கப்படுவதற்கான சாத்தியக்கூறுகளை கருத்திற்கொண்டே பொதுஜன பெரமுன இதைச் செய்திருக்கிறது என்பதை எவரும் புரிந்துகொள்வது கடினமானது அல்ல. இறுதியில், தனது சகோதரர் கோத்தாபய  எவ்வித ஆட்சேபனையும் இன்றி வேட்புமனுக்களை பெறுவார் என உறுதியான பின்னரே சமல் வேட்புமனுக்களை கையளிப்பதைத் தவிர்த்துள்ளார். ஆச்சரியம் என்னவென்றால், ஜனாதிபதித் தேர்தலில் போட்டியிடும் முன்னணி வேட்பாளர்கள் இருவரில் எவரும் கோத்தாபய  தனது அமெரிக்க பிரஜாவுரிமையை  சம்பிரதாயமாக துறந்துவிட்டாரா என்பதன் அடிப்படையில் அவரது நியமனத்தை எதிர்க்கவில்லை.

தேர்தல் ஆணைக்குழுவின்  தலைவரும் அதன் உறுப்பினர்களும் கூட, கோத்தா பயவின் வாக்குமூலத்தை மௌனமாக ஏற்றுக்கொண்டார்களே தவிர, அவர் தேர்தலில் போட்டியிட தகுதியுடையவர்  என்பதை உறுதிசெய்யும்எந்தவொரு  முயற்சியையும்  முறையாக  மேற்கொண்டிருக்கவில்லை . அதை அமெரிக்க இராஜாங்கத்திணைக்களம்  ஏற்றுக்கொண்டிருந்தது .19 ஆவது திருத்தம் நடைமுறையில் இருந்த போதிலும், முரண்பாடாகஇவை அனைத்தும் இவ்வாறு இடம்பெற்றன . இதன் இறுதி முடிவு, மக்களின் பிரபல்யமான வாக்குகள்  மூலம் பொருத்தமற்ற ஒருவர் ஜனாதிபதியாக தெரிவு செய்யப்பட்டார். ஜனாதிபதித் தேர்தலில் போட்டியிடுவதற்குத் தேவையான தகுதிகளைப் பூர்த்தி செய்யாமல் ஊழல் முறையில் வேட்புமனுவைப் பெற்ற ஒருவராக அவர் கருதப்படலாம். அதே நேரத்தில், அவர் பதவியேற்ற பிறகும், நாட்டை ஆளத் தேவையான அறிவும் ஒழுங்கும் அவரிடம்  இல்லை என்பதை நிரூபித்துள்ளார்.

அந்த வகையில், வீதிக்கு வந்த இளம் போராட்டக்காரர்களின் “கோ ஹோம் கோத்தா ” என்ற கோஷத்தில் அதிக தவறு இல்லையென்றாலும், இளைய தலைமுறையினரின் இறுதி இலக்கு முறைமை  மாற்றமே என்றால், . அவர்கள் எதிர்பார்த்தது போல் கோத்தாவை  வீட்டுக்கு அனுப்புவதை  அமைதியான போராட்டத்தின் மூலம்  தங்களின் இலக்கை அவர்களால் அடைய முடியுமா என்று கேள்வி யை  எழுப்பமுடியும்  எனவே, கோத்தாவை வீட்டுக்கு அனுப்புவதில் வெற்றி பெற்றாலும், ஒரு முறை மாற்றத்தை அடைய வேண்டும் என்ற அவர்களின் ஒட்டுமொத்த இலக்கை அடைய முடியுமா என்ற கேள்வியை இளைய தலைமுறையினர் தீவிரமாக சிந்திக்க வேண்டும்.

அரசியல் அர்த்தத்தில், நாட்டின் இளைஞர்களின் பங்கு மிகவும்வியக்கத்தக்கதுவும்  மற்றும் முற்போக்கானதுமாகும். அவர்கள் ஜனாதிபதியையும் மூன்றில் இரண்டு பெரும்பான்மையைப் பெற்ற அரசாங்கத்தையும் தரையில் வீழ்த்தினர். இதன் விளைவாக, அரசாங்கம் இப்போது கடுமையாக  காயமடைந்த, ஆதரவற்ற மற்றும் பலவீனமான நிலையில் உள்ளது. அதன் மூலம் நாட்டு மக்கள் அடைந்த சுதந்திரத்தின் அளவு மகத்தானது. இனக்குழுக்கள் மற்றும் மதங்களுக்கிடையில் நிலவ வேண்டிய ஒற்றுமை குறித்து நாட்டிலுள்ள இளைய தலைமுறையினர் காட்டிய முன்னுதாரணமானது மிகவும் வலிமையானதும் போற்றத்தக்கதுமாகும். அவர்களின் முயற்சியால் பாராளுமன்றத்தில் அரசாங்கத்தின் மூன்றில் இரண்டு பங்கு அதிகாரம் பறிக்கப்பட்டுள்ளது; ஆனால் ஜனாதிபதி கோத்தாபய  ராஜபக்ச ஷ வீட்டிற்கு செல்ல வேண்டும் என்ற அவர்களின் முக்கிய கோரிக்கை இன்னும் நிறைவேற்றப்படவில்லை

 பலமும்  வரையறைகளும்

அரசியல் அர்த்தத்தில், நாட்டின் இளைஞர்களின் பங்கு மிகவும் வியத்தகு மற்றும் முற்போக்கானது. அவர்கள் ஜனாதிபதியையும் மூன்றில் இரண்டு பெரும்பான்மையைப் பெற்ற அரசாங்கத்தையும் தரையில் வீழ்த்தினர். இதன் விளைவாக, அரசாங்கம் இப்போது பலத்த காயமடைந்த, ஆதரவற்ற மற்றும் பலவீனமான நிலையில் உள்ளது. அதன் மூலம் நாட்டு மக்கள் அடைந்த சுதந்திரத்தின் அளவு மகத்தானது. இனக்குழுக்கள் மற்றும் மதங்களுக்கிடையில் நிலவ வேண்டிய ஒற்றுமை குறித்து நாட்டில் உள்ள இளைய தலைமுறையினர் காட்டும் முன்னுதாரணமானது மிகவும் வலுவானது மற்றும் பாராட்டத்தக்கது. அவர்களின் முயற்சியால் பாராளுமன்றத்தில் அரசாங்கத்தின் மூன்றில் இரண்டு பங்கு அதிகாரம் பறிக்கப்பட்டுள்ளது; ஆனால் ஜனாதிபதி கோத்தாபய ராஜபக்ச  வீட்டிற்கு செல்ல வேண்டும் என்ற அவர்களின் முக்கிய கோரிக்கை இன்னும் நிறைவேற்றப்படவில்லை.

பதவி விலகப் போவதில்லை என ஜனாதிபதி உறுதிபடத் தெரிவித்துள்ளார். குறைந்த பட்சம் அவரை வீட்டிற்கு அனுப்ப முடிந்தாலும், அடுத்து என்ன நடக்கும் என்பது தெளிவாகத் தெரியவில்லை. இளைஞர்களின் எழுச்சியின் மிக முக்கியமான நோக்கம், ஊழல் நிறைந்த முறைமையில்  ஆழமான மாற்றத்தை ஏற்படுத்துவதாகும். ஆனால் அவர்களின் முக்கிய கருப்பொருள்’கோ ஹோம்கோத்தா  ‘ என்ற  ஊக்கமளிக்கும் சொற்றொடருக்கு மட்டுப்படுத்தப்பட்டுள்ளது. அதை மேலோட்டமாகப் பார்த்தால், கோதாவை மட்டும் வீட்டுக்கு அனுப்புவது, “முறைமையில்  ஆழமான  மாற்றத்தை” தன்னிச்சையாகக் கொண்டுவரும் என்ற எண்ணத்தை உருவாக்குகிறது. ஆனால் கோத்தாவை வீட்டுக்கு அனுப்புவதன் மூலம் முறைமையில்  ஒரு ஆழமான மாற்றம் தன்னிச்சையாக நிகழ வாய்ப்பில்லை.

தற்போதுபிரிட்டினில்  இருக்கும் இளம் மருத்துவநிபுணர்  பாத்தும் கேர் னர் “கோ ஹோம் கோத்தா ” சுலோ கத்தை உருவாக்கியவராகக் கருதப்படுகிறார். அஹிம்சை வழியிலான எழுச்சிக்கு அநாமதேய மாக வேண்டுகோள் விடுத்த ஆளாகவும்  கருதப்படுகிறார். அவர் வழங்கிய காணொளிப் பேச்சின்பிரகாரம் “கோத்தாபயவை ஆட்சியில் இருந்து தூக்கி எறிந்த பின்னர் பாராளுமன்றத்தில் இடைக்கால அரசாங்கம் நிறுவப்படும், மேலும் அது சென்மதி  நிலுவை நெருக்கடியைத் தீர்க்கும் நோக்கில் செயற் படும்; அதன் பின்னர் கூடிய விரைவில் ஜனாதிபதி மற்றும் பாராளுமன்ற தேர்தலுக்கு செல்ல வேண்டும்” அதைத் தவிர, முறைமையில் மாற்றத்தை ஏற்படுத்த  செய்ய வேண்டிய மறுசீரமைப்புகளைப்  பற்றி அவர் பேசவில்லை. இரண்டு தேர்தல்களுக்குப் பிறகு விரும்பிய முறைமை மாற்றம் ஏற்படும் என்று எதிர்பார்க்கலாம். ஆனால், பாராளுமன்றத் தேர்தலில் 20 இடங்களைப் பெறுவதே இலக்கு என்று காணொளிப் பேச்சில் கூறியுள்ளார். அடுத்த தேர்தலில் ஆட்சியை பிடிக்க முடியும் என்ற நம்பிக்கை அவருக்கு இல்லை என்பதையே இது காட்டுகிறது. பிறகு எப்படி அவர் முறைமையை  மாற்றுவார் என்று எதிர்பார்க்க முடியும்?

மருத்துவர் பாத்தும் சந்தேகத்திற்கு இடமின்றிபாராளு மன்றத்தில் இருக்க வேண்டிய ஒரு புத்திசாலித்தனமான  இளம் தலைவர்; அவர் நாடு எதிர்கொள்ளும் பிரச்சினைகளை பகுப்பாய்வு செய்யும் திறன் கொண்டவர். இளைஞர்களை அநாமதேயமாக போராட்டத்திற்கு அழைத்ததற்குப் பின்னணியில் இருந்தவர் அவர் என்றால், அது ஒரு அசாதாரணமான வெற்றிகரமான அழைப்பு என்பதை ஒப்புக்கொள்ள வேண்டும். ஆனால், வெளிப்படையாககோஷத்திற்கும்  முக்கிய நோக்கத்திற்கும் (முறைமையில்  ஆழமான மாற்றத்தை ஏற்படுத்துதல்) இடையே சரியான பொருத்தப்பாடு இல்லை.வீதிகளில் ஆர்ப்பாட்டம் செய்யும் இளைய தலைமுறையின் அங்கீகரிக்கப்பட்ட தலைவர் டாக்டர் பாத்தும் என்று நான் நினைக்கவில்லை.

கோத்தாவை விரட்டியடிக்கும் அமைதியான, அகிம்சைப் போராட்ட இயக்கத்தில், தனிநபரையோ, அமைப்பையோ பெயரிடாமல் பொதுமக்களை அழைத்து, ஊக்கப்படுத்திய மூளையாக இவர் இருக்க முடியும் என்றாலும்,போராட்டத்தில் ஈடுபட்டுள்ள பல்வேறு சிவில் மற்றும் அரசியல் குழுக்களின்,  வழிகாட்டுதலின் பேரில்தான் வீதி களில் போராட்டம் நடத்தப்பட்டது ,  பிரிட்டனில்  இருக்கும் டாக்டர் பாத்துமின் வழிகாட்டுதலின் பேரில் அல்லஎன்பதையும்  மனதில் கொள்ள வேண்டும். “கோ ஹோம் கோத்தா ” என்ற கோஷத்தை  தவிர, ஆழமான மாற்றத்திற்கான கட்டமைப்பு சீர்திருத்த திட்டத்தில் இணைக்கப்பட வேண்டிய நிபந்தனைகளை அவர்கள் இன்னும் வெளியிடவில்லை.

புத்திசாலியாக இருப்பதன் முக்கியத்துவம்

நாட்டின் இளைஞர்கள் தீவிர போராட்டத்தில் இறங்கியுள்ளனர்; இது ஒரு வலிமையான பணி மற்றும் சிறியது அல்ல. ராஜபக்ச குடும்பத்தின் அதிகாரத்தை பறித்து, சிதைந்த நிலையில் உள்ள தேசிய ஒற்றுமையை மீட்டெடுத்து, தன்னிச்சையான மற்றும் ஊழல் நிறைந்த அரசியல் முறைமையில் சாதகமான  மற்றும் ஆழமான மாற்றத்தை ஏற்படுத்துவதே அவர்களின் தூய்மையான   மற்றும் நேர்மையான விருப்பமாகத் தெரிகிறது. . அந்த இலக்கை நோக்கிய பயணத்தில் அவர்களால் பலமான தொடக்கத்தை ஏற்படுத்த முடிந்தாலும், தங்கள் இலக்குகளை அடைவதற்கான நல்லதொரு வியூகத் திட்டத்தை இன்னும் அவர்கள் கொண்டு வந்ததாகத் தெரியவில்லை.

ஒரு பெரிய மரத்தை வெட்டுவது போன்ற இலகுவான  நோக்கத்திற்கு  கூட ஒரு நடைமுறைரீதியான திட்டம் இருக்க வேண்டும், அதை எளிமையான இலக்காகக் கருதலாம். ஒரு மரத்தை வெட்டுவதற்கு முன், முதலில், அதன் கிளைகளை வெட்ட வேண்டும்; சுற்றிலும் உள்ள வீடுகள் அல்லது சொத்துக்களுக்கு சேதம் ஏற்படாதவாறு, உடற்பகுதியை பகுதிகளாக வெட்டி தரையில் இறக்க வேண்டும். இதுவரை போராட்டத்தை அகிம்சை வழியில் நடத்த முடிந்ததே பெரிய சாதனை. அதற்கான நன்மதிப்பில் ஒரு பகுதி அரசுக்கும் சேர வேண்டும்.

எந்தவொருபலம் வாய்ந்த போராட்டத்திலும், “செய் அல்லது செத்து மடி ” யாக முன்னேறுவதைத் தடுப்பதற்காக, எதிரணிக்கு தப்பியோட ஒரு வாய்ப்பு வழங்கப்படுகிறது. ஆனால் இந்தப் போராட்டத்தில் , இளைய தலைமுறையினர் இந்த விதியை போதுமான அளவு கவனத்தில் கொண்டதாகத் தெரியவில்லை. அவர்களின் இலக்கை ஒரு பெரிய மரத்தை வெட்டுவதுடன் ஒப்பிட்டுப் பார்த்தால், முதலில் கிளைகளை அகற்றிவிட்டு அதன் தண்டுகளை வெட்டுவது என்ற முறையான முறையைப் பின்பற்றுவதற்குப் பதிலாக மொத்தமாக அதை வெட்டுவதற்கான முறைசாரா முறையைப் பின்பற்றுகிறார்கள்.

எந்தவொரு போரிலும் கருத்தில் கொள்ள வேண்டிய மற்றொரு முக்கியமான விட யம் என்னவென்றால், தேர்ந்தெடுக்கப்பட்ட ஒரு எதிரிக்கு எதிராகப் போரிடுவதை விட ஒரே நேரத்தில் பல சக்திவாய்ந்த எதிரிகளுக்கு எதிராகப் போராடும் கொள்கை பயனுள்ளதாக இருக்காது. அரசுக்கு எதிரான போராட்டத்தில் எதிர்க்கட்சிகளின் ஆதரவு அவசியம். இத்தனைக்கும், ஆளும் கட்சியையும் எதிர்கட்சியையும் ஒருங்கிணைத்து, அனைத்திற்கும் எதிராக ஒரே நேரத்தில் போராடும் கொள்கை ஒரு போதும் பயனளிக்காது.

இப்போதுஇடம்பெற்றிருப்பது  அரசியல் முறைமையின்  முழுமையான சீர்குலைவு . அவ்வாறானதொரு நிலை ஏற்படும் போது, ​​புதிய அரசியல்முறைமை  மாற்றத்திற்கான பாலமாக இடைக்கால அரசியலமைப்பு அல்லது இடைக்கால நிர்வாகம் ஏற்றுக்கொள்ளப்படுவது முக்கியமானது. இளைஞர்கள் வீதியில் இறங்கி நடத்தும் போராட்டத்தை அரசியலமைப்பு கட்டமைப்பின் கீழ் கொண்டுவந்து, அதற்கு தகுந்த ஒரு மூலோபாய திட்டத்தை ஏற்று, புதுப்பித்து, இடைக்கால அரசியலமைப்பு மற்றும் இடைக்கால நிர்வாகத்தில் ஒருமித்த கருத்தை அடைந்து, சீர்திருத்த திட்டத்தை செயற் படுத்த முடியும். இந்த செயற் பாட்டில் ஐக்கிய நாடுகள் சபையும் ஒரு பார்வையாளராக ஈடுபட்டிருப்பது முக்கியம்

சீர்திருத்தங்களுக்கான நிகழ்ச்சி நிரல்

மறுசீரமைப்பு  நிகழ்ச்சி நிரல் இல்லாததை இந்தப் போராட்டத்தின் பெரும் குறையாகக் கருதலாம். தேர்தல் முறையின் ஊழல் தன்மையை மாற்றும் சீர்திருத்தங்களை ஏற்படுத்திய பின்னரே தேர்தல் நடத்தப்பட வேண்டாமா? தற்போதைய தேர்தல் முறையானது பெரும் தொகையை செலவு செய்யக்கூடியவர்கள் வெற்றிபெறும் வகையில் வடிவமைக்கப்பட்டுள்ளது. ஜனாதிபதி தேர்தலில் போட்டியிடும் முன்னணி வேட்பாளர் ஒருவருக்கு ஏற்படும் செலவு மூன்று முதல் நான்கு பில்லியன் ரூபாய்கள் ஆகும். ஜனாதிபதி தேர்தலில் போட்டியிடும் முக்கிய வேட்பாளர்களின் கைகளுக்கு கறுப்புப் பணம்தான் முக்கிய ஆதாரமாக உள்ளது. ஜனாதிபதி அல்லது பாராளுமன்றத்திற்கு போட்டியிடும் வேட்பாளர்களால் பெறப்பட்ட அல்லது செலவழிக்கப்பட்ட பணம் கணக்காய்வு  செய்யப்படுவதில்லை.

ஏனைய ஜனநாயக நாடுகளின் தேர்தல் முறைகளுடன் ஒப்பிடுகையில் இலங்கையின் தேர்தல் முறை மிகவும் ஊழலானது. 1977 தேர்தல் வரை தேர்தல் செலவுகளுக்கு கடுமையான விதிகள் இருந்தன. தேர்தலுக்குப் பிறகு, வேட்பாளர்கள் தேர்தல் செலவுகள் குறித்த அறிக்கையை தேர்தல்கள் ஆணையாளரிடம் சமர்ப்பிக்க சட்டப்படி கட்டுப்பட்டுள்ளனர். 1978 முதல், இந்த மற்றும் விதிமுறைகளின் மீது கறுப்புப் பணம் ஆட்சி செய்வது  நிலையானதாக  மாறியுள்ளது. 2020 அளவில் , அரசியல் கட்சி நிதி மற்றும் தேர்தல் நிதிகளைகணக்காய்வு செய்யும் முறை ஏன் அறிமுகப்படுத்தப்படவில்லை என்று மறைந்த மங்கள சமரவீரவிடம் கேட்டேன். நான் பெற்ற பதில் என்னவென்றால், ஜனாதிபதி தேர்தலில் போட்டியிடும் இரண்டு முக்கிய வேட்பாளர்களும் வழக்கமாக தேவையான செலவினத்தை விட இரண்டு மடங்கு அல்லது அதற்கு மேல் பெறுகிறார்கள், மேலும் பெறப்பட்ட நிதி சம்பந்தப்பட்ட நபருக்கு சொந்தமானது மற்றும் கட்சிக்கு சொந்தமானது அல்ல.

இந்த நிலை, சில மாற்றங்களுடன், பாரா ளுமன்றத் தேர்தலுக்கும் பொருந்தும். எனவே, இந்த முறைமையை  தக்கவைக்க வலுவான ஒருமித்த கருத்து உள்ளது என்றார். இந்நிலையில், கட்சி நிதி, தேர்தல் நிதி மற்றும் தேர்தல் செலவுகளை தீவிர கணக்காய்வுக்கு  உட்படுத்த வழிவகை செய்யும் வகையில் சீர்திருத்தங்களைச் செய்த பிறகே அடுத்த தேர்தலுக்கு செல்ல வேண்டாமா?

அத்துடன், இலங்கையை இத்தகைய அவல நிலைக்குத் தள்ளுவதற்கு முக்கியக் காரணமாகக் கருதக்கூடிய ஆட்சியாளர்/அரசின் தலைவரை சட்டத்திற்கு அப்பாற்பட்டு இருக்க அனுமதிக்கும் முறைமை மாற்றப்பட வேண்டாமா? சட்டத்திற்கு அப்பாற்பட்டவர்களாக இருக்க அனுமதிக்கப்பட்ட சூழ்நிலையில் அவர்கள் மீது சட்டத்தை அமுல்படுத்த முடியாது என்பதற்காகவே த ற்காலிகபாதுகாப்பில்  உள்ள சொத்துக்களை ஆட்சியாளர்கள் பெரிய அளவில் கொள்ளையடிக்கவில்லையா? நாட்டின் பாதுகாப்புக்காக அந்த நிலையை மாற்ற வேண்டாமா? ஊழலைக் கட்டுப்படுத்த தாமதமின்றி சீர்திருத்தங்கள் செய்யப்பட வேண்டாமா? வீதிகளில் கட்டியெழுப்பப்பட்ட ட தேசத்தின் பாதுகாப்பையும் வலிமையையும் வழங்கும் கொள்கைகளும் வழிகாட்டுதல்களும் விரைவில் நடைமுறைப்படுத்தப்பட வேண்டும். இந்த அனைத்து சீர்திருத்தங்களும் புதிய அரசியலமைப்பை உருவாக்குவதற்கு நாட்டை வழிநடத்துவதன் மூலம் மட்டுமே சாத்தியமாகும்.

 இப்போது நடந்திருப்பது அரசியல் முறைமையின்  முழுமையான  சரிவாகும் .. அவ்வாறானதொரு நிலை ஏற்படும் போது, ​​புதிய அரசியல் அமைப்பிற்கான மாற்றத்திற்கான பாலமாக இடைக்கால அரசியலமைப்பு அல்லது இடைக்கால நிர்வாகம் ஏற்றுக்கொள்ளப்படுவது முக்கியமானது.

இளைஞர்கள் வீதியில் இறங்கி நடத்தும் போராட்டத்தை அரசியலமைப்பு கட்டமைப்பின் கீழ் கொண்டுவந்து, அதற்கு தகுந்த ஒரு மூலோபாய திட்டத்தை ஏற்று, புதுப்பித்து, இடைக்கால அரசியலமைப்பு மற்றும் இடைக்கால நிர்வாகத்தில் ஒருமித்த கருத்தை அடைந்து, மறுசீரமைப்பு  திட்டத்தை செயற் படுத்த முடியும். இந்த செயற் பாட்டில் ஐக்கிய நாடுகள் சபையும் ஒரு பார்வையாளராக ஈடுபட்டிருப்பது முக்கியம்.

விக்டர் ஐவன்

பினான்சியல்  டைம்ஸ்

link- financial times

The struggle of the youth, what will be the end?