அமெரிக்க ஓபன் டென்னிஸ் போட்டியில் முன்னணி வீரர்களான ஜோகோவிச், மெட்வதேவ் ஆகியோர் ஏற்கனவே 3-வது சுற்றுக்கு முன்னேறியுள்ளனர்.
கிராண்ட்சிலாம் போட்டிகளில் ஒன்றான அமெரிக்க ஓபன் டென்னிஸ் போட்டி நியூயார்க் நகரில் நடைபெற்று வருகிறது. ஆண்கள் ஒற்றையர் பிரிவில் நடந்த 3-வது சுற்று ஆட்டம் ஒன்றில் உலகின் மூன்றாம் நிலை வீரரான கிரீஸ் நாட்டைச் சேர்ந்த ஸ்டெபனோஸ் சிட்சிபாசும், ஸ்பெயின் நாட்டைச் சேர்ந்த கார்லோஸ் அல்கராஸ் கார்பியாவும் மோதினார்கள்.
ஆரம்பம் முதலே இருவரும் சிறப்பாக ஆடினர். முதல் செட்டை கார்பியா 6-3 என கைப்பற்றினார். இதற்கு பதிலடி கொடுக்கும் விதமாக 2வது செட்டை சிட்சிபாஸ் 6-4 என வென்றார்.
மூன்றாவது செட்டை கார்பியா 7-6 என போராடி கைப்பற்றினார். நான்காவது செட்டில் வீறு கொண்டெழுந்த சிட்சிபாஸ் 6-0 என முழுமையாக வென்றார்.
வெற்றியாளரை நிர்ணயிக்கும் ஐந்தாவது செட்டை கார்பியா 7-6 என்ற கணக்கில் மீண்டும் போராடி கைப்பற்றினார்.
இறுதியில், கார்பியா 6-3, 4-6, 7-6, 0-6, 7-6 என்ற செட் கணக்கில் வென்று நான்காவது சுற்றுக்கு முன்னேறினார். இந்தப் போட்டி சுமார் 4 மணி நேரத்திற்கு மேல் நடைபெற்றது. இதன்மூலம் சிட்சிபாஸ் அதிர்ச்சி தோல்வி அடைந்து அமெரிக்க ஓபன் தொடரில் இருந்து வெளியேறினார்.
