ஹற்றன்- நுவரெலியா பிரதான வீதியில் லிந்துலை நகரத்தை அண்மித்த பகுதியில் இடம்பெற்ற வாகன விபத்தில் குடும்பஸ்தர் ஒருவர் உயிரிழந்துள்ளார்.
இன்று (ஞாயிற்றுக்கிழமை) இடம்பெற்ற இந்த சம்பவத்தில், நானுஓயா, சமர்செட் பகுதியை சேர்ந்த 3 பிள்ளைகளின் தந்தையான 43 வயதுடைய விஜயசுந்தரம் என்பவரே உயிரிழந்துள்ளார்.
தலவாக்கலையில் இருந்து நானுஓயா நோக்கி மோட்டார் சைக்கிளில் அவர் பயணித்துள்ளார்.
இதன்போது மோட்டார் சைக்கிள் வேகக்கட்டுப்பாட்டை இழந்ததை தொடர்ந்து அவர் வீசப்பட்டுள்ளார். அதில் அருகில் இருந்த எல்லை நிர்ணய கல்லில் தலைபட்டதால் படுகாயமடைந்துள்ளார்.
குறித்த சம்பவத்தில் படுகாயமடைந்த அவரை லிந்துலை வைத்தியசாலைக்கு சிகிச்சைக்காக எடுத்துச்செல்லும்போது வழியிலேயே உயிரிழந்துள்ளதாக பொலிஸார் தெரிவித்துள்ளனர்.
இந்நிலையில் சம்பவம் தொடர்பாக மேலதிக விசாரணைகளை பொலிஸார் முன்னெடுத்து வருகின்றனர்.
