பச்சிலைப்பள்ளியின் தவிசாளர் சுப்பிரமணியம் சுரேன், உப தவிசாளர் முத்துக்குமார கஜன் மற்றும் பிரதேச சபை உறுப்பினர்கள் இருவர் ஆகியோரிடம் நேற்று பளை பொலிசார் வாக்குமூலம் ஒன்றினை பதிவு செய்துள்ளனர்.
பொத்துவில் தொடக்கம் பொலிகண்டி வரையிலான எழுச்சி பேரணியில் கலந்து கொண்டமைக்காக ; வாக்குமூலம் பதிவு செய்யப்பட்டிருந்தது
இது தொடர்பாக தவிசாளர் கூறுகையில்,
எமது மக்களின் நியாயமான கோரிக்கைகளுக்கமைவாக குறித்த போராட்டம் ஒழுங்குபடுத்தி நடத்தப்பட்டதால் நாங்கள் கலந்து கொண்டிருந்தோம் எனவும் இலங்கை அரசியல் அமைப்பு சட்டத்தில் குறிப்பிடப்படுகின்ற ஒன்று கூடுவதற்கான ; உரிமை இங்கு இருக்கின்ற அடிப்படையில் கலந்து கொண்டிருந்தோம் எனவும் எமக்கு எந்தவிதமான நீதி மன்ற தடை உத்தரவும் கிடைக்கப்பெறாத பட்சத்தில் நாங்கள் கலந்து கொண்டிருந்தோம் எனவும் குறிப்பிட்டிருந்தார்.
