அமெரிக்காவின் புதிய ஜனாதிபதியாக பைடன் பதவியேற்பு விழா, மிகவும் எளிமையாக நடத்தப்படும் என அறிவிக்கப்பட்டுள்ளது.
அமெரிக்காவில் கடந்த மாதம் 3ஆம் திகதி நடைபெற்ற ஜனாதிபதித் தேர்தலில், ஜனநாயக கட்சி வேட்பாளர் ஜோ பைடன் வெற்றி பெற்றார்.
இதையடுத்து, இந்நாட்டின் 46 வது ஜனாதிபதியாக அடுத்த மாதம் 20ஆம் திகதி அவர் பதவியேற்கவுள்ளதாகக் கூறப்படகின்றது. அதற்கான விழா ஏற்பாடுகளை வெள்ளை மாளிகை செய்து வருகிறது.
கொரோனா பாதிப்பு காரணமாக, பதவியேற்பு விழா மிகவும் எளிமையாக நடத்தப்படும் என்றும், மிகவும் குறைவான எண்ணிக்கையிலேயே விருந்தினர்கள் அழைக்கப்படவுள்ளனர் என்றும் வெள்ளை மாளிகை தெரிவித்துள்ளது.
