பன்னல சுகாதார வைத்திய அதிகாரி பிரிவுக்குட்பட்ட எலபடகம கிழக்கு கிராம உத்தியோகத்தர் பிரிவின் ஆனந்த ரணவிரு மாவத்தை முடக்கப்பட்டுள்ளதென, பன்னல சுகாதார வைத்திய அதிகாரி அலுவலகம் தெரிவித்துள்ளது.
அத்துடன் குறித்த பிரதேசத்திலுள்ள 20 குடும்பங்களைச் சேர்ந்த, 100 பேருக்கு நாளைய தினம் (21) பிசிஆர் பரிசோதனைகள் முன்னெடுக்கப்படவுள்ளதாகவும் தெரிவிக்கப்பட்டுள்ளது.
இந்தப் பிரதேசத்தில் தனிமைப்படுத்தப்பட்டிருந்த 98 பேருக்கு 15ஆம் திகதி பிசிஆர் பரிசோதனைகள் முன்னெடுக்கப்பட்ட போது, பெண்ணொருவருக்கு தொற்று உறுதிப்படுத்தப்பட்டதையடுத்தே, இந்தப் பிரதேசம் முடக்கப்பட்டுள்ளதாக தெரிவிக்கப்பட்டுள்ளது.
இவ்வாறு அடையாளம் காணப்பட்ட பெண் உள்ளடங்கலாக இதுவரை இந்த பிரதேசத்தில் 4 கொரோனா தொற்றாளர்கள் அடையாளம் காணப்பட்டுள்ளனர்.
