இந்திய பொருளாதார வீழ்ச்சிதான் பிரதமர் மோடி அரசின் 100 நாள் சாதனை என்று பரமக்குடியில் முக ஸ்டாலின் கூறியுள்ளார்.
ராமநாதபுரம் மாவட்டம் பரமக்குடியில் தியாகி இமானுவேல்சேகரன் நினைவுநாள் இன்று கடைபிடிக்கப்பட்டது. தி.மு.க. தலைவர் மு.க.ஸ்டாலின் நிகழ்ச்சியில் கலந்து கொண்டு இமானுவேல்சேகரன் நினைவிடத்தில் மலர்வளையம் வைத்து மரியாதை செலுத்தினார். பின்னர் அவர் நிருபர்களிடம் கூறியதாவது:-
கே:- தியாகி இமானுவேல் சேகரன் நினைவுநாள் அரசு விழாவாக அறிவிக்க நடவடிக்கை எடுக்கப்படுமா?
ப:- இதற்கான அறிவிப்பை தமிழக அரசுதான் வெளியிட வேண்டும்.
கே:- நீங்கள் (தி.மு.க.) ஆட்சிக்கு வந்தால் இமானுவேல் சேகரன் நினைவு நாளை அரசு விழாவாக அறிவிப்பீர்களா?
ப:- நாங்கள் ஆட்சிக்கு வருவோமா? என்பதற்கு இங்கு திரண்டுள்ள மக்களே சாட்சி.
கே:- இந்திய பொருளாதாரம் 5 சதவீதம் வீழ்ச்சி அடைந்துள்ளதே?
ப:- இந்திய பொருளாதாரத்தின் 5 சதவீத வீழ்ச்சி தான் மோடி அரசின் 100 நாள் சாதனை.
இவ்வாறு அவர் கூறினார்.