தண்டவாள பராமரிப்பு பணிக்காக பாசஞ்சர் ரெயில்களின் போக்குவரத்தில் மாற்றம்!

திருச்சி-காரைக்குடி பாசஞ்சர் ரெயில்(வ.எண்.76807/76808) இன்று முதல் 4-ந் தேதி வரையிலும், 10-ந் தேதி, 11-ந் தேதி, 17-ந் தேதி, 18-ந் தேதி, 24, 25-ந் தேதி, 31-ந் தேதி ஆகிய நாட்களில் இரு மார்க்கங்களிலும் ரத்து செய்யப்படுகிறது.

மதுரை-பழனி பாசஞ்சர் ரெயில்(வ.எண்.56624) 12-ந் தேதி மற்றும் 15-ந் தேதி தவிர வருகிற 31-ந் தேதி வரை ரத்து செய்யப்படுகிறது. அதற்கு பதிலாக இயக்கப்படும் சிறப்பு ரெயில் மதுரையில் இருந்து காலை 7.15 மணிக்கு புறப்பட்டு காலை 10.15 மணிக்கு பழனி சென்றடையும்.

பாலக்காடு-திருச்செந்தூர் பாசஞ்சர் ரெயில்(வ.எண்.56769/56770) வருகிற 31-ந் தேதி வரை செவ்வாய் மற்றும் வியாழக்கிழமை தவிர பிற நாட்களில் திண்டுக்கல்-நெல்லை இடையே இரு மார்க்கங்களிலும் ரத்து செய்யப்படுகிறது. வ.எண்.56770 மட்டும் செவ்வாய்க்கிழமை மற்றும் வெள்ளிக்கிழமைகளில் மதுரை-நெல்லை ரெயில் நிலையங்களுக்கு இடையே ரத்து செய்யப்படுகிறது. இந்த ரெயில் மதுரையில் இருந்து சுமார் 2½ மணி நேரம் காலதாமதமாக புறப்பட்டு செல்லும்.

நாகர்கோவில்-கோவை பாசஞ்சர் ரெயில்(வ.எண்.56319/56320) வியாழக்கிழமை தவிர பிற நாட்களில் 19-ந் தேதி முதல் 26-ந் தேதி வரை திண்டுக்கல்-நெல்லை ரெயில் நிலையங்களுக்கு இடையே ரத்து செய்யப்படுகிறது. இந்த ரெயில் வியாழக்கிழமை தவிர வருகிற 18-ந் தேதி வரையிலும், 27-ந் தேதி முதல் 31-ந் தேதி வரையும் இரு மார்க்கங்களிலும் திண்டுக்கல்-விருதுநகர் ரெயில் நிலையங்களுக்கு இடையே ரத்து செய்யப்படுகிறது.

திண்டுக்கல்-மயிலாடுதுறை இணைப்பு பாசஞ்சர் ரெயில் (வ.எண்.56822/56821) வருகிற 12-ந் தேதி, 15-ந் தேதி முதல் வருகிற 23-ந் தேதி வரை இரு மார்க்கங்களிலும் திண்டுக்கல்-திருச்சி ரெயில் நிலையங்களுக்கிடையே ரத்து செய்யப்படுகிறது. நெல்லை-ஈரோடு பாசஞ்சர் ரெயில்(வ.எண். 56826/56825) புதன்கிழமைகள் தவிர, வருகிற 12-ந் தேதி, 15-ந் தேதி முதல் 23-ந் தேதி வரை உள்ள நாட்கள் தவிர்த்து வருகிற 31-ந் தேதி வரை சுமார் 2 மணி நேரம் தாமதமாக இரு மார்க்கங்களிலும் இயக்கப்படும்.

திருச்சி-ராமேசுவரம் பாசஞ்சர் ரெயில்(வ.எண்.56829/56830) ஞாயிற்றுக்கிழமைகள், 12-ந் தேதி தவிர வருகிற 6-ந் தேதி முதல் 31-ந் தேதி வரை மானாமதுரை-ராமேசுவரம் ரெயில் நிலையங்களுக்கு இடையே ரத்து செய்யப்படுகிறது.

திருச்சி-மானாமதுரை பாசஞ்சர் ரெயில்(வ.எண்.76807) சனிக்கிழமை, ஞாயிற்றுக்கிழமை மற்றும் திங்கட்கிழமைகள் தவிர வருகிற 30-ந் தேதி வரை திருச்சியில் இருந்து சுமார் 1 மணி நேரம் தாமதமாக காலை 11.05 மணிக்கு புறப்படும். இதனால் மேற்கண்ட நாட்களில் இந்த ரெயிலுக்கு மானாமதுரை ரெயில்நிலையத்தில் இருந்து ராமேசுவரம் செல்ல இணைப்பு ரெயில் வசதி இருக்காது.

மானாமதுரை-திருச்சி பாசஞ்சர் ரெயில்(வ.எண். 76808) சனிக்கிழமை, ஞாயிற்றுக்கிழமை மற்றும் திங்கட்கிழமைகள் தவிர வருகிற 30-ந் தேதி வரை மானாமதுரையில் இருந்து மதியம் 2.30 மணிக்கு புறப்படும்.

ரெயில் போக்குவரத்து மாற்றத்தால் பயணிகள் கடும் அவதிக்குள்ளாகி வருகின்றனர் என்பது குறிப்பிடத்தக்கது.