கற்கள் இன்றி தெர்மாகோலினால் தயாராகும் மாடி வீடு -சுவாரஸ்ய தகவல்

ஆனால், ராமரின் வீடு இவை ஏதுமின்றி தெர்மாகோல் மட்டுமே கொண்டு 1,150 சதுர அடி பரப்பளவுக்கு வீடு கட்டிக் கொண்டு இருக்கிறார். 50 சதவீதத்திற்கும் மேலான கட்டுமான பணிகள் நிறைவடைந்துள்ளன.

தொடக்கத்தில் அவரது குடும்பத்தினர் ஒப்புக் கொள்ளவில்லை. பின்னர் ராமர் எப்படியோ சம்மதம் வாங்கிவிட்டார். தெர்மாகோலால் வீடு கட்டும்  திட்டம் குறித்து ராமர் கூறுகையில், ‘இப்போது நிறைய மணல் தட்டுப்பாடு இருக்கிறது. மேலும் மணல் விலையும் குறைந்தபாடில்லை.

முதலில் தெர்மாகோலில் வீடு என கூறும்போது எப்படி தாங்கும் என கிராம மக்கள் கேட்டு வந்தனர். ஆனால், பேஸ்மெண்ட் போட்ட பின்னரே கட்டிடம் தாங்கும் என்ற நம்பிக்கை எனக்கு வந்தது. இப்போது மக்கள் என்னை பாராட்டி வருகின்றனர். இந்த மாதிரி வீடு கட்ட ரூ.10 லட்சம் மட்டுமே போதுமானது’ என கூறினார்.

இந்த தெர்மாகோல் கட்டிட பொறியாளர் ஆனந்தகீதன் கூறுகையில், ‘தெர்மாகோலை கொண்டு வெளிநாடுகளில் அதிகமாக வீடுகள் கட்டுகின்றனர். பொருட்கள் விரையம் ஆவது குறைகிறது. மேலும் மழை, புயல் போன்றவற்றை தாங்கும் சக்தி இதற்கு உண்டு.

மணல், செங்கல் தட்டுப்பாட்டினால் கட்டுமான பணிகள் நிற்காது. இனியும் இந்த வீட்டிற்கு கருங்கல், செங்கல் தேவையில்லை. கம்பிகளை பயன்படுத்தி கட்டுவதனால் கட்டிடம் வலிமை பெறுகிறது’ என கூறினார்.

கிராம மக்கள் இந்த வீட்டினை ஆச்சரியத்துடன் பார்த்து வருகின்றனர் எனவும், ராமருக்கு பாராட்டுகள் தெரிவித்து வருகின்றனர் என்பதும் குறிப்பிடத்தக்கது.