Year: 2017

கண்டி – அங்கும்புர – ரம்புக்கெல பிரதேசத்தில் உப காவல்துறை பரிசோதகர் ஒருவர் இனந்தெரியாத சிலரால், கூரிய ஆயுதங்களால் தாக்கப்பட்டுள்ளார். தமது பணியினை நிறைவு செய்துவிட்டு வீடு திரும்பிக்கொண்டிருந்த வேளையிலேயே நேற்றிரவு இவ்வாறு தாக்குதல் மேற்கொள்ளப்பட்டுள்ளது. சம்பவத்தில் படுகாயமடைந்த உப காவல்துறை பரிசோதகர் அங்கும்புர மருத்துவமனையில் அனுமதிக்கபட்டு மேலதிக சிகிச்சைகளுக்காக கண்டி போதனா மருத்துவமனைக்கு மாற்றப்பட்டார். சம்பவத்திற்காக காரணம் இதுவரையில் கண்டறியப்படாத நிலையில், தாக்குதல் மேற்கொண்டவர்களும் இதுவரையில் அடையாளம் காணப்படவில்லை.

யுத்தத்தினால் இடம்பெயர்ந்தவர்கள் மீண்டும் தங்களது சொந்த இடங்களில் குடியேறுவதற்கான வாய்ப்பு உருவாக்கப்பட வேண்டும் என்று நோர்வே வலியுறுத்தியுள்ளது. இலங்கைக்கான நோர்வேயின் தூதுவர் தோர்ப்ஜன் கோஸ்டாட்செதர் யாழ்ப்பாணத்தில் நடைபெற்ற நிகழ்வொன்றில் வைத்து இதனைக் கூறியுள்ளார். மக்கள் தங்களின் சொந்த இடங்களில் மீள்குடியேறுவதை உறுதி செய்வது கட்டாயமாகும். அத்துடன் அவர்களின் வாழ்க்கை தங்களின் சொந்த இடங்களிலேயே மீள நிலைநிறுத்தப்பட வேண்டும். இதன் காரணமாகவே காணிகள் விடுவிக்கப்பட ஆரம்பித்ததில் இருந்து நோர்வே அரசாங்கம் மீள்குடியேற்ற நடவடிக்கைகளுக்கான உதவிகளை வழங்கி வருகிறது என்று