வெலிகம மற்றும் மிதிகம இடையேயான பகுதிகளில் இன்று (24) பிற்பகல் மேற்கொள்ளப்பட்ட விசேட சோதனை நடவடிக்கையின் போது, 3 டி-56 துப்பாக்கிகளுடன் ஒருவரை பொலிஸ் விசேட அதிரடிப்படை (STF) அதிகாரிகள் கைது செய்துள்ளனர்.
கைது செய்யப்பட்ட நபர், ஒழுங்கமைக்கப்பட்ட பாதாள உலகக் குழுவான ‘மிதிகம ருவான்’ உறுப்பினரின் நெருங்கிய கூட்டாளி என்று பொலிஸார் தெரிவித்துள்ளனர்.
கிடைத்த தகவலின்படி, சந்தேக நபரின் கட்டுமானத்தில் உள்ள இரண்டு மாடி வீட்டின் மேல் மாடியில் நடத்தப்பட்ட சோதனையின் போது இந்த துப்பாக்கிகள் கண்டுபிடிக்கப்பட்டன.
மூன்று டி-56 துப்பாக்கிகளுக்கு மேலதிகமாக, STF அதிகாரிகள் 1 மெகசின் மற்றும் 30 தோட்டாக்களையும் கைப்பற்றியுள்ளனர்.
கைது செய்யப்பட்ட சந்தேக நபர் 38 வயதுடையவர் என பொலிஸார் தெரிவித்துள்ளனர்.
அவர், தற்போது பூஸ்ஸ உயர் பாதுகாப்பு சிறையில் தடுத்து வைக்கப்பட்டுள்ள மிதிகம ருவானின் தந்தையின் மூத்த சகோதரியின் மகளின் கணவர் ஆவார்.
