தீங்கு விளைவிக்கும் பாக்டீரியாக்களைக் கொண்ட உர ஏற்றுமதியை இலங்கை ஏற்றுக்கொள்ளாது – விவசாய அமைச்சர்

சீன நிறுவனம் ஒன்றிலிருந்து இறக்குமதி செய்யப்பட்ட தீங்கு விளைவிக்கும் பாக்டீரியாக்கள் அடங்கிய உரத்தொகுதியை ஏற்றிச் செல்லும் கப்பல் இலங்கைக்குள் அனுமதிக்கப்படமாட்டாது என விவசாய அமைச்சரான மஹிந்தானந்த அளுத்கமகே இன்று வலியுறுத்தியுள்ளார்.

ஊடக சந்திப்பின் போதே அவர் இதனை தெரிவித்தார்.

இந்த உர ஏற்றுமதியின் மாதிரிகள் மீள் பரிசோதனைக்கு உட்படுத்தப்படமாட்டாது எனவும், குறித்த சீன நிறுவனத்திற்கு பணம் செலுத்தப்படமாட்டாது எனவும் அவர் குறிப்பிட்டார்.

எதிர்காலத்தில் நாட்டிற்கு உரம் இறக்குமதி செய்வதற்கு மூன்றாம் தரப்பு சுயாதீன சோதனை தேவைப்படும் என அவர் வலியுறுத்தினார்.