உள்ளுராட்சி மன்ற தேர்தலில் மன்னார் நகர சபையில், தமிழீழ விடுதலை இயக்கம் (டெலோ) சார்பாக போட்டியிட்டு வெற்றி பெற்று பின்னர் கட்சியில் இருந்து விலகி நாடாளுமன்ற தேர்தலில் சுயேட்சையாக போட்டியிட்ட மனோ ஐங்கரசர்மாவுக்கு பதிலாக புதிய நகர சபை உறுப்பினர் ஒருவரை நியமிக்க கட்சி நடவடிக்கைகளை மேற்கொண்டுள்ளது.
நடைபெற்ற நாடாளுமன்ற தேர்தலில் சுயேட்சையாக போட்டியிட்ட குறித்த நகர சபை உறுப்பினர், தான் கட்சியில் இருந்து விலகுவதாக எழுத்து மூலம் அறிவித்திருந்தார்.
அதனை பரிசீலினை செய்த தமிழீழ விடுதலை இயக்கம், அவர் வகித்த மன்னார் நகர சபை உறுப்பினர் பதவிக்கு, கட்சி உறுப்பினரும் மன்னார் நகர சபை தேர்தலில் போட்டியிட்டவருமான சமாதான நீதவான் என்.கணேசலிங்கத்தினை நியமிக்க நடவடிக்கைகளை மேற்கொண்டுள்ளதாக அறிவித்துள்ளது.
