Author: நிலையவள்

தமிழ் மக்கள் பேரவையினரால் முதலமைச்சருக்கு கொண்டு வரப்பட்டுள்ள நம்பிக்கையில்லா தீர்மானத்திற்கு எதிர்ப்பு தெரிவித்து அழைப்பு விடுக்கப்பட்டுள்ள கர்த்தாலுக்கு ஆதரவு தெரிவித்து யாழில் அத்தியாவசிய சேவைகள் தவிர்ந்த அனைத்து சேவைகளும் ஸ்தம்பிதம் அடைந்துள்ளது. போக்குவரத்து சேவைகள் இடம்பெறவில்லை வர்த்தக நிலையங்கள் யாவும் பூட்டப்பட்டுள்ளன.

தமிழ் மக்கள் பேரவையினரால் அழைப்பு விடுக்கப்பட்டுள்ள கர்த்தாலினால் யாழில் அத்தியாவசிய சேவைகள் தவிர்ந்த ஏனைய சேவைகளும் ஸ்தம்பிதம் அடைந்துள்ள நிலையில் யாழில் அனர்த்தம் ஏதும் ஏற்படுவதை தவிர்க்கும் முகமாக யாழ் நகரில் பொலீஸ் விசேட அதிரடி படையினர் ரோந்து நடவடிக்கையில் ஈடுபட்டுள்ளனர்.

வடக்கு மாகாண முதலமைச்சர் மீது கொண்டுவரப்பட்ட நம்பிக்கையில்லா தீர்மானத்திற்கு எதிர்ப்புத் தெரிவித்து வடக்கில் மேற்கொள்ளப்பட்ட கர்த்தால் காரணமாக கிளிநொச்சியின் இயல்பு நிலையும் பாதிக்கப்பட்டிருந்தது. கிளிநொச்சியில் பெரும்பாலான வியாபார நிலையங்கள் பூட்டப்பட்டிருந்ததோடு போக்குவரத்து சேவைகளும் வழமை போன்று இடம்பெறவில்லை. மேலும் பாடசாலைகளுக்கும் மாணவாகளின் வரவு மிகவும்…