Author: தென்னவள்

இன்று (01) முதல் நடைமுறைக்கு வரும் வகையில், ரயில் பயணக் கட்டணங்கள், 15 சதவீதத்தால் அதிகரிக்கப்பட்டுள்ளன என, ரயில்வே திணைக்களம் அறிவித்துள்ளது. எனினும், குறைந்தபட்சக் கட்டணமாக, 10 ரூபாயே தொடர்ந்தும் காணப்படுமெனவும் அறிவிக்கப்பட்டுள்ளது. 

அநுராதபுரம் சிறைச்சாலையில் உண்ணாவிரதப் போராட்டத்தில் ஈடுபட்டுள்ள 10 தமிழ் அரசியல் கைதிகளுடன், மேலுமிரு அரசியல் கைதிகள், நேற்று (30) முதல் போராட்டத்தில் இணைந்துள்ளனர். இதையடுத்து, உண்ணாவிரதத்தில் ஈடுபட்டுள்ள தமிழ் அரசியல் கைதிகளின் எண்ணிக்கை, 12 ஆக உயர்வடைந்துள்ளது.

மாத்தறை, குமாரத்துங்க மாவத்தையில் அமைந்துள்ள நகைக்கடையொன்றில், தங்க நகைகளை திருடிய பெண்ணொருவரைப் பொலிஸார் சனிக்கிழமை (29) கைது செய்துள்ளனர்.